ខចែង និងលក្ខខណ្ឌ
លក្ខខណ្ឌអនុវត្ត
កម្មវិធីប្រកួតប្រជែងរូបថតអាពាហ៍ពិពាហ៍ពីស្រាបៀរ ABC Extra Stout
លក្ខខណ្ឌទូទៅ
១.
អ្នកដែលអាចមានសិទ្ធិចូលរួមប្រកួតប្រជែងក្នុងកម្មវិធីនេះ ត្រូវតែមានអាយុចាប់ពី ១៨ ឆ្នាំឡើងទៅ។
២.
កម្មវិធីប្រកួតប្រជែងនេះ គឺផ្តល់ជូនសម្រាប់តែប្រជាជនកម្ពុជាទាំងអស់ ដែលមានលំនៅដ្ឋានអចិន្ត្រៃយ៍នៅក្នុងព្រះរាជាណាចក្រកម្ពុជា និងកាន់អត្តសញ្ញាណប័ណ្ណសញ្ជាតិខ្មែរមានសុពលភាពត្រឹមត្រូវ។ កម្មវិធីនេះគឺមិនសម្រាប់បុគ្គលិករបស់ ក្រុមហ៊ុន
ហ៊ិននីគែន (ខេមបូឌា) ឯ.ក ដោយរាប់ទាំងញាតិពន្ធ ញាតិលោហិត និង ភាគី/ ដៃគូពាក់ព័ន្ធទាំងឡាយក្នុងកម្មវិធីនេះ ដោយមិនកម្រិតត្រឹម សាខា ភ្នាក់ងារសហការ ភ្នាក់ងារផ្សាយពាណិជ្ជកម្ម តំណាងចែកចាយ ដេប៉ូចែកចាយ អ្នកលក់ ហាងលក់ដូរដែលចូលរួម អ្នករៀបចំកម្មវិធី ក៏ដូចជាញាតិពន្ធ និងញាតិលោហិតរបស់ពួកគេទាំងអស់។
៣.
រង្វាន់ដែលអ្នកឈ្នះក្នុងកម្មវិធីនេះនឹងទទួលបាន ត្រូវបានកំណត់ក្នុងតារាងទី១ ដូចមានភ្ជាប់ខាងក្រោម។
ការព្រមព្រៀងលើលក្ខខណ្ឌអនុវត្ត
៤.
តាមរយៈការចូលរួមក្នុងកម្មវិធីប្រកួតនេះ មានន័យថាអ្នកចូលរួមទាំងអស់បានយល់ព្រមគោរពតាមលក្ខខណ្ឌអនុវត្តទាំងនេះ។
ការរក្សាសិទ្ធិផ្សេងៗ
៥.
ក្រុមហ៊ុនហ៊ិននីគែន (ខេមបូឌា) ឯ.ក រក្សាសិទ្ធិ និងឆន្ទានុសិទ្ធិ ក្នុងការផ្លាស់ប្តូរ កែប្រែលក្ខខណ្ឌ ឬកែសម្រួលកម្មវិធីដោយផ្នែក ឬទាំងស្រុង។
៦.
អ្នកចូលរួមក្នុងកម្មវិធីប្រកួតប្រជែងក្នុងកម្មវិធីនេះទាំងអស់ យល់ព្រមគោរពតាមសេចក្ដីសម្រេចរបស់ក្រុមហ៊ុនហ៊ិននីគែន (ខេមបូឌា) ឯ.ក។
ការធានា និងការប្រើប្រាស់ព័ត៌មានផ្សេងៗ
៧.
អ្នកចូលរួមនីមួយៗត្រូវធានា និងយល់ព្រមថាព័ត៌មានទាំងអស់ដែលពាក់ព័ន្ធនឹងដំណើរការនីតិវិធីកម្មវិធីប្រកួតប្រជែងនេះ ត្រូវបានផ្តល់ជូន អនុលោមតាមកម្មវិធីប្រកួតនេះ (រាប់បញ្ចូលទាំង ប៉ុន្តែ មិនកំណត់ត្រឹម ឈ្មោះ អត្តសញ្ញាណបណ្ណ ព័ត៌មានទំនាក់ទំនង លេខទូរស័ព្ទ និង/ឬ អាសយដ្ឋាន) ជាព័ត៌មានពិត ត្រឹមត្រូវ មានសុពលភាព និងត្រូវតែអាចយកទៅប្រើប្រាស់បានដោយ ក្រុមហ៊ុនហ៊ិននីគែន (ខេមបូឌា) ឯ.ក។ អ្នកចូលរួមនីមួយៗ ត្រូវតែទទួលខុសត្រូវ ក្នុងការបន្តតាមដានព័ត៌មានថ្មីៗពី ក្រុមហ៊ុនហ៊ិននីគែន (ខេមបូឌា) ឯ.ក បន្ថែមពីលើព័ត៌មានដែលត្រូវបានផ្តល់ឲ្យពីដំបូងជាដាច់ខាត។
តាមរយៈការផ្តល់ព័ត៌មានផ្ទាល់ខ្លួនមកកាន់ ក្រុមហ៊ុនហ៊ិននីគែន (ខេមបូឌា) ឯ.ក អ្នកចូលរួម ត្រូវយល់យ៉ាងច្បាស់ និងយល់ព្រមឲ្យ ក្រុមហ៊ុនហ៊ិននីគែន (ខេមបូឌា) ឯ.ក ប្រើប្រាស់ព័ត៌មានផ្ទាល់ខ្លួនរបស់ពួកគាត់ ដោយរាប់បញ្ចូល តែមិនកំណត់ត្រឹមរូបភាព រូបថត វីឌីអូសកម្មភាព ខ្សែអាត់ បទសម្ភាសន៍ ឈ្មោះ លេខអត្តសញ្ញាណបណ្ណ ព័ត៌មានលម្អិតផ្ទាល់ខ្លួន អាសយដ្ឋានពិតប្រាកដក្នុងគោលបំណងធ្វើការផ្សព្វផ្សាយតាមគ្រប់ទម្រង់ ដោយមិនកម្រិតត្រឹម ទូរទស្សន៍ វិទ្យុ សារព័ត៌មាន បណ្ដាញសង្គម ផ្ទាំងបដា
ផ្ទាំងរូបភាព ខិត្តប័ណ្ណ កម្មវិធីតន្រ្ដី កីឡា និងកម្មវិធីសាធារណៈ ផ្ទាំងចល័ត ឬអចល័តផ្សេងៗតម្រូវដោយក្រុមហ៊ុន សម្រាប់ការលក់ ទំនាក់ទំនងទីផ្សារ ទាក់ទងនឹងផលិតផលរបស់ក្រុមហ៊ុន។ ព័ត៌មានទាំងឡាយដូចបានកំណត់ក្នុងប្រការនេះ អ្នកចូលរួមទទួលស្គាល់ថាជាកម្មសិទ្ធិផ្ដាច់មុខរបស់ក្រុមហ៊ុន។
៨.
តាមរយៈការចូលរួមក្នុងការប្រកូតប្រជែងនេះ អ្នកចូលរួមទាំងអស់ យល់ព្រមចូលរួមក្នុងសកម្មភាពប្រម៉ូសិន ឬការផ្សាយពាណិជ្ជកម្ម ដែលអាចត្រូវបានរៀបចំឡើងដោយ ក្រុមហ៊ុនហ៊ិននីគែន (ខេមបូឌា) ឯ.ក ។ កំណត់ត្រាណាមួយ ក្នុងរូបភាពណាក៏ដោយ ដែលកើតចេញ ឬមានទំនាក់ទំនងជាមួយនឹងកម្មវិធីប្រកួតប្រជែងនេះ រាប់បញ្ចូលដោយមិនកំណត់ត្រឹមការប្រតិបត្តិរបស់អ្នកចូលរួម រូបរាងខាងក្រៅ និមិត្តរូប ភិនភាគផ្ទាល់ខ្លួន រូបថត កំណត់ត្រាជាសំឡេង/រូបិយ និង/ឬ ការឆ្លើយតបផ្សេងៗដែលត្រូវបានសរសេរជាលាយលក្ខណ៍អក្សរ (ហៅថា «កំណត់ត្រា») នឹងក្លាយជាកម្មសិទ្ធិផ្តាច់មុខរបស់ ក្រុមហ៊ុនហ៊ិននីគែន (ខេមបូឌា) ឯ.ក ស្របទៅតាមវិសាលភាពពេញលេញ ដែលត្រូវបានកំណត់ដោយលក្ខខណ្ឌអនុវត្តនេះ និងដោយច្បាប់ ហើយក្នុងករណីដែលអ្នកចូលរួម យល់ស្របដោយមិនអាចផ្លាស់ប្តូរបាន និងគ្មានលក្ខខណ្ឌ ដោយគ្មានការចំណាយផ្សេងៗ លើរាល់លក្ខខណ្ឌទាំងអស់របស់ ក្រុមហ៊ុនហ៊ិននីគែន (ខេមបូឌា) ឯ.ក និងលះបង់សិទ្ធិជាពិសេសសម្រាប់ ក្រុមហ៊ុនហ៊ិននីគែន (ខេមបូឌា) ឯ.ក ក្នុងការធ្វើ ឬគ្រប់គ្រងលើកំណត់ត្រាផ្សេងៗ និងប្រើប្រាស់ ឬចេញផ្សាយជាសាធារណៈលើកំណត់ត្រាដូចគ្នា ក្នុងរូបភាពណាក៏ដោយ ក្រុមហ៊ុនហ៊ិននីគែន (ខេមបូឌា) ឯ.ក នឹងប្រើប្រាស់សិទ្ធិ និងឆន្ទានុសិទ្ធិផ្តាច់មុខរបស់ខ្លួនឲ្យសមស្របទៅតាមគោលបំណងនោះ។
៩.
សម្រាប់ព័ត៌មានបន្ថែមទៅលើរបៀបដែលយើងគ្រប់គ្រងទិន្នន័យឯកជន សូមចូលទៅកាន់គោលការណ៍ឯកជនភាពរបស់យើងតាមរយៈ http://heinekencambodia.com/index.php/en/privacy-and-cookie-policy។ គោលការណ៍ ឯកជនភាពនេះ អាចនឹងត្រូវធ្វើបច្ចុប្បន្នភាពទៅតាមពេលវេលា ហើយយើងលើកទឹកចិត្តឲ្យអ្នកចូលរួមទាំងអស់ឲ្យចូលត្រួតពិនិត្យជាទៀងទាត់សម្រាប់ព័ត៌មានថ្មីៗក្នុងគោលការណ៍ដដែលនេះ។
កម្រិតនៃការទទួលខុសត្រូវ
១០.
ក្រុមហ៊ុនហ៊ិននីគែន (ខេមបូឌា) ឯ.ក មិនទទួលខុសត្រូវ និងមិនពាក់ព័ន្ធលើការខាតបង់ ការខូចខាត ការចំណាយ ការពន្យារពេល ឬភាពមិនប្រកក្រតីណាមួយឡើយដែលកើតចេញ ឬទាក់ទងនឹងកម្មវិធីប្រកួតប្រជែងនេះឡើយ
១១.
ក្រុមហ៊ុនហ៊ិននីគែន (ខេមបូឌា) ឯ.ក នឹងមិនផ្តល់សំណងលើការខាតបង់ណាមួយឡើយ (មិនថា ការខាតបង់នោះ បានកើតឡើងទៅលើអ្នកចូលរួម ក្រុមគ្រួសាររបស់ពួកគាត់ ឬភាគីទី៣ ឡើយ) ដែលកើតចេញ ឬទាក់ទងនឹង ឬ ដោយសាតែ៖
ក. ព័ត៌មានដែលបំពេញដោយអ្នកចូលរួមមិនបានពេញលេញ ឬមិនស្របច្បាប់
ខ. ការផ្គត់ផ្គង់ទៅលើទំនិញ និង សេវាផ្សេងៗ របស់ភាគីទី៣ ណាមួយ
គ. កម្មសិទ្ធិ និង/ឬ ការប្រើប្រាស់ទំនិញ និងសេវាផ្សេងៗ ដែលត្រូវបានចែងក្នុងលក្ខខណ្ឌនេះ។
ក. ព័ត៌មានដែលបំពេញដោយអ្នកចូលរួមមិនបានពេញលេញ ឬមិនស្របច្បាប់
ខ. ការផ្គត់ផ្គង់ទៅលើទំនិញ និង សេវាផ្សេងៗ របស់ភាគីទី៣ ណាមួយ
គ. កម្មសិទ្ធិ និង/ឬ ការប្រើប្រាស់ទំនិញ និងសេវាផ្សេងៗ ដែលត្រូវបានចែងក្នុងលក្ខខណ្ឌនេះ។
១២.
ក្រុមហ៊ុនហ៊ិននីគែន (ខេមបូឌា) ឯ.ក នឹងមិនធ្វើការបកស្រាយទៅលើផលិតផល ឬផ្តល់ការធានាផ្សេងៗឡើយ ហើយនិងមិន ទទួលខុសត្រូវរាល់ការខូចខាតផ្សេងៗ ដូចដែលបានចែកក្នុងលក្ខខណ្ឌនេះ ដូចជា មិនទទួលខុសត្រូវលើគុណភាពទំនិញ ឬ ស្ថានភាពទំនិញ ដែលប្រើប្រាស់សម្រាប់រង្វាន់ រង្វាន់ផ្សេងៗ។
ព័ត៌មានលម្អិតនៃកម្មវិធីប្រកួតប្រជែង
១៣.
ព័ត៌មានលម្អិតនៃកម្មវិធីប្រកួតប្រជែងនេះ ត្រូវកំណត់ក្នុង តារាងទី១ នៃផ្នែកខាងក្រោមនៃលក្ខខណ្ឌអនុវត្តន៍នេះ។
លក្ខខណ្ឌផ្សេងៗ
១៤.
បើទោះបីមិនបានបញ្ជាក់ពីខាងដើមក៏ដោយ ក្រុមហ៊ុនហ៊ិននីគែន (ខេមបូឌា) ឯ.ក មិនមានកាតព្វកិច្ចក្នុងការទាក់ទងទៅអ្នកចូលរួមដែលឈ្នះរង្វាន់ ដើម្បីបញ្ជាក់ប្រាប់ពីការឈ្នះរង្វាន់របស់ពួកគាត់ ឬប្រាប់ពីព័ត៌មានលម្អិតនៃការបើកយករង្វាន់ឡើយ។
ប្រសិនបើ ក្រុមហ៊ុនហ៊ិននីគែន (ខេមបូឌា) ឯ.ក ជ្រើសរើសធ្វើបែបនេះ យើងនឹងព្យាយាមធ្វើប្រកបដោយហេតុផលប៉ុណ្ណោះ ដើម្បីទាក់ទងអ្នកចូលរួមដែលឈ្នះ។
១៥.
ការផ្ទៀងផ្ទាត់ ត្រូវតែមានការភ្ជាប់មកជាមួយនឹងនូវអត្តញ្ញាណបណ្ណដើម និងឯកសារដើមដែលត្រូវបានកំណត់ដោយក្រុមហ៊ុន ដែលអាចផ្គូផ្គងទៅនឹងព័ត៌មានលម្អិតនៃការចុះឈ្មោះរបស់អ្នកចូលរួម។ ក្រុមហ៊ុនហ៊ិននីគែន (ខេមបូឌា) ឯ.ក រក្សាសិទ្ធិក្នុងការលុបឈ្មោះអ្នកឈ្នះណាម្នាក់ ដែលក្នុងពេលមកធ្វើការផ្ទៀតផ្ទាត់ មិនអាចផ្តល់ឯកសារដើមសំខាន់ៗ ឬ ប្រសិនបើឯកសារដែលភ្ជាប់យកមកជាមួយ មិនស្ថិតក្នុងភាពប្រក្រតី រហែក ខូចខាត ឬមិនស្របច្បាប់។
១៦.
អ្នកឈ្នះ ត្រូវផ្ទៀតផ្ទាត់ការឈ្នះរបស់ខ្លួន ដោយស្របតាមការកំណត់ និងជូនដំណឹងរបស់ក្រុមហ៊ុនក្នុងពេលវេលាជាក់លាក់ណាមួយ។ ក្រុមហ៊ុនហ៊ិននីគែន (ខេមបូឌា) ឯ.ក រក្សាសិទ្ធិក្នុងការដកហូតការឈ្នះដែលមិនគោរពតាមលក្ខខណ្ឌកំណត់ដោយក្រុមហ៊ុន ដូចបញ្ជាក់ក្នុង តារាងទី ១ ឬតាមរយៈការកំណត់ផ្សេង។
១៧.
ស្របពេលដែលការចុះឈ្មោះត្រូវបានតម្រូវឲ្យធ្វើឡើង នៅមុនពេលចូលរួមក្នុងកម្មវិធីប្រកួតនេះ អ្នកចូលរួមនីមួយៗ នឹងត្រូវតែទទួលខុសត្រូវទៅលើការផ្តល់ព័ត៌មានត្រឹមត្រូវ និងគ្រប់ជ្រុងជ្រោយ។
១៨.
អ្នកឈ្នះត្រូវតែប្រើប្រាស់រង្វាន់ ហើយការផ្ទេរឈ្មោះ ឬការប្តូររង្វាន់ជាថ្នូរនឹងសាច់ប្រាក់ ឥណទាន ឬវត្ថុផ្សេងទៀត មិនត្រូវបានអនុញ្ញាតឡើយ។
១៩.
ទោះមានការផ្លាស់ប្តូរ និង/ឬ ការបន្ថែមទៅលើលក្ខខណ្ឌណាមួយ ក្រុមហ៊ុនហ៊ិននីគែន (ខេមបូឌា) ឯ.ក នឹងមិនទទួល ខុសត្រូវទៅលើការខូចខាត ឬសំណងផ្សេងៗ ដែលកើតឡើងដោយសារតែការពន្យារពេល ឬកំហុសឡើយ។
២០.
ក្រុមហ៊ុនហ៊ិននីគែន (ខេមបូឌា) ឯ.ក នឹងមិនទទួលខុសត្រូវចំពោះការចុះឈ្មោះដែលបាត់បង់ យឺតយ៉ាវ ខូចខាត ពុករលួយ មិនស្របច្បាប់ មិនត្រូវតាមលក្ខខណ្ឌ ឬមិនពេញលេញឡើយ ឬចំពោះការចុះឈ្មោះដែលមិនត្រូវបានទទួលបាន ដោយសារតែការទំនាក់ទំនង ត្រូវបានបាត់បង់ ពន្យារពេល កាត់ផ្តាច់ ឬបង្អាក់ ឬ ដោយសារតែការពន្យារពេលផ្សេងទៀត ឬដោយសារតែកំហុសផ្សេងៗក្នុងពេលបញ្ជូន ឬទទួលការចុះឈ្មោះ។
២១.
ការមិនអាចអនុវត្តតាមលក្ខខណ្ឌណាមួយនៃកម្មវិធីប្រកួតប្រជែងនេះ នឹងកំណត់ថាជាការចុះឈ្មោះពុំមានសុពលភាព ឬក៏ការលុបចេញពីបញ្ជីឈ្មោះ។
២៣.
ក្រុមហ៊ុនហ៊ិននីគែន (ខេមបូឌា) ឯ.ក រក្សាសិទ្ធិក្នុងការលុបឈ្មោះអ្នកចូលរួមណាមួយដែលបន្លំ និង/ឬ ច្រានចោលការចុះឈ្មោះដែលបន្លំ ដែលត្រូវបានកំណត់ក្នុងឆន្ទានុសិទ្ធិផ្តាច់មុខរបស់ខ្លួន។
កម្មវិធី
ព័ត៌មានលម្អិត
ថិរវេលានៃការប្រកួត
ការប្រកួតនឹងចាប់ផ្តើមពីថ្ងៃទី១ ខែវិច្ឆិកា ឆ្នាំ២០២០ រហូតដល់ថ្ងៃទី ៣០ ខែ កញ្ញា ឆ្នាំ ២០២១
លក្ខន្តិកៈនៃការប្រកួត
១.
. លក្ខន្តិកនៃការប្រកួត នឹងធ្វើការប្រកាសនៅលើ គណនី Facebook Pageនិង Instagram ផ្លូវការរបស់ ABC អំឡុងពេលនៃការប្រកួត។
ការជ្រើសរើសអ្នកឈ្នះ
១.
អ្នកឈ្នះ ១៥ គូ នឹងត្រូវជ្រើសរើសទៅតាម ៣ ដំណាក់កាលនៃការប្រកួត៖
ការជ្រើសរើសដំណាក់កាលទី ១៖ ខែ ធ្នូ ឆ្នាំ ២០២០ – ចំនួន ៥ គូ
ការជ្រើសរើសដំណាក់កាលទី ២៖ ខែ មិនា ២០២១ – ចំនួន ៥ គូ
ការជ្រើសរើសដំណាក់កាលទី ៣៖ ខែ មិថុនា ២០២១ – ចំនួន ៥ គូ
២.
អ្នកឈ្នះរង្វាន់ត្រូវតម្រូវឲ្យមានឯកសារបញ្ជាក់តាមផ្លូវច្បាប់ ឬ សំបុត្រអាពាហ៍ពិពាហ៍។ ប្រសិនជាការបំពេញ ឬ ភ្ជាប់ ឯកសារមិនពេញលេញ ទៅតាមការកំណត់ នឹងពុំមានសិទ្ធិទទួលបានរង្វាន់នោះឡើយ ។
៣.
អ្នកឈ្នះ អាចចូលរួមប្រកួតដោយប្រើគណនីហ្វេសប៊ុកផ្ទាល់ខ្លួនតែមួយគត់ ។ ប្រសិនជា ខាងយើងខ្ញុំ ចាប់បានថា អ្នកឈ្នះណាម្នាក់ចូលរួមប្រកួតដោយប្រើគណនីផ្ទាល់ខ្លួនលើសពី មួយ អ្នកឈ្នះនោះនឹងត្រូវដកសិទ្ធិពីកម្មវិធីនេះ ។
៤.
ប្រសិនជា ក្រុមហ៊ុនហ៊ិននីគែន (ខេមបូឌា) ឯ.ក រកឃើញពីករណីលួចបន្លំ បេក្ខភាពដែល ចូលរួម និង ត្រូវបានដកសិទ្ធិភ្លាម ដោយគ្មានការជំទាស់ ឬការទទូចណាមួយនឹងត្រូវ បាន កើតឡើងឡើយ។
៥.
អ្នកឈ្នះនឹងត្រូវបានទាក់ទងទៅពីក្រុមការងារ ក្រុមហ៊ុនហ៊ិននីគែន (ខេមបូឌា) ឯ.ក ។
៦.
អ្នកឈ្នះត្រូវតែឆ្លើយតប ទទួលយកនូវរង្វាន់ដែលបានផ្តល់ជូន និង យល់ព្រមទៅតាម លក្ខន្តិក ក្នុងរយៈ ៥ ថ្ងៃ បន្ទាប់ពីការទាក់ទងទៅ ។
៧.
អ្នកឈ្នះ នឹងត្រូវបានផ្ញើលិខិតព្រមព្រៀង សម្រាប់ការទទូលយករង្វាន់ និង ត្រូវតែផ្តល់ ត្រលប់នូវព័ត៌មានពិតមកវិញ ។ បើមិនដូច្នេះទេ រង្វាន់និងត្រូវចាត់ទុកជាអាសារបង់ ដោយគ្មានសំណង គ្មានការជំទាស់ ឬការទទូចណាមួយនឹងត្រូវបានកើតឡើងឡើយ។នេះ ។
៨.
អ្នកឈ្នះត្រូវប្រើប្រាស់រង្វាន់របស់ខ្លួន ក្នុងរយៈពេល ៦ ខែ តាមកិច្ចព្រមព្រៀងទទួលយការ រង្វាន់។ បើមិនដូច្នោះទេរង្វាន់នឹងត្រូវបានចាត់ទុកជាអាសារបង់ដោយគ្មានសំណងគ្មាន ការជំទាស់ ឬការទទូចណាមួយនឹងត្រូវបានកើតឡើងឡើយ។
រង្វាន់
១.
រង្វាន់ដែលផ្តល់ជូនពីការចូលរួម និងផ្តល់ជាកញ្ចប់ការថតរូបគូស្វាមីដ៏ស្រស់ស្អាត ពីភាគីទី ៣ (ភ្នាក់ងារ) ដែលជ្រើសរើសដោយ ក្រុមហ៊ុនហ៊ិននីគែន (ខេមបូឌា) ឯ.ក ។
២.
ទំហំតម្លៃនៃរង្វាន់ដែលផ្តល់ជួន ត្រូវបានសម្រេចយ៉ាងម៉ត់ចត់ពីសំណាក់ ក្រុមហ៊ុន ហ៊ិននីគែន (ខេមបូឌា) ឯ.ក គ្មានការចរចារណាមួយកើតឡើងឡើយ ។
៣.
លក្ខន្តិកនៃកញ្ចប់រង្វាន់នេះ ត្រូវបានសម្រេចយ៉ាងហ្មត់ចត់ពីសំណាក់ ក្រុមហ៊ុនហ៊ិននីគែន (ខេមបូឌា) ឯ.ក គ្មានការចរចារណាមួយកើតឡើងឡើយ ។
៤.
ប្រសិនជាគូស្វាមីភរិយាណា ដែលមានបំណាងចង់បន្ថែមសេវាកម្ម ក្រៅពីអ្វីដែលបានផ្តល់ជូន ការចរចារ និង ទំនាក់ទំនងទាំងអស់ នឹងកើតឡើងរវាងអ្នកឈ្នះ និង ភាគីទី ៣ ។
៥.
យោងតាមការព្រមទទួលយករង្វាន់នេះ គូដែលបានឈ្នះ ត្រូវផ្តល់រូបថតចំនួន ២ សន្លឹក ជាមួយផលិតផល ABC Extra Stout និងអនុញ្ញាតឱ្យប្រើប្រាស់រូបថតចំនួន ២ សន្លឹកសម្រាប់គោលបំណងផ្សព្វផ្សាយរបស់ ក្រុមហ៊ុនហ៊ិននីគែន (ខេមបូឌា) ឯ.ក តាមការសំរេចចិត្តរបស់ ក្រុមហ៊ុន ហ៊ិននីគែន (ខេមបូឌា) ឯ.ក (មិនកំណត់ចំពោះឌីជីថល ការ<wbr>ផ្សព្វផ្សាយជាសារធារណៈ និងទូរទស្សន៍)។
សម្រាប់ព័ត៌មានបន្ថែមអំពីកម្មវិធីប្រកួតប្រជែងសម្រាប់អាពាហ៍ពិពាហ៍នេះ សូមទូរស័ព្ទទៅកាន់បុគ្គលិកបម្រើអតិថិជនរបស់ ក្រុមហ៊ុនហ៊ិននីគែន (ខេមបូឌា) ឯ.ក តាមរយៈលេខ៖ 011 222 400 និង 011 333 500 អំឡុងម៉ោងធ្វើការ ពីម៉ោង ៨:០០ ព្រឹក ដល់ម៉ោង ៥:៣០ ល្ងាច) ពីថ្ងៃចន្ទ ដល់ថ្ងៃព្រហស្បតិ៍ និង (ចាប់ពីម៉ោង ៨:០០ ព្រឹក ដល់ម៉ោង ៤:៣០ ល្ងាច) ចាប់ពីថ្ងៃសុក្រ ដល់ថ្ងៃសៅរ៍ ៕
គោលការណ៍ឯកជនភាព
គោលការណ៍ទូទៅ
ABC គឺជាអ្នកគ្រប់គ្រងប្រតិបត្តិការទិន្នន័យផ្ទាល់ខ្លួនទាំងអស់ដែលត្រូវបានប្រមូលតាមរយៈ
គេហទំព័រ។ ABC គោរពឯកជនភាពរបស់អ្នក និងអនុលោមតាមបញ្ញត្តិនៃច្បាប់ស្ដីពីការការពារទិន្នន័យនៃប្រទេសហូឡង់។
ABC មិនប្រមូល ឬធ្វើប្រតិបត្តិការទិន្នន័យតាមរយៈ cookies ដែលបានដាក់ដោយ ABC នោះទេ។ ABC ដំណើរការតែទិន្នន័យផ្ទាល់ខ្លួនដែលអ្នកប្រើប្រាស់ផ្ដល់ឲ្យ ABC ដោយស្ម័គ្រចិត្ត តាមរយៈការចុះឈ្មោះនៅក្នុងគេហទំព័រដើម្បីទទួលបានសេវាកម្មដែលត្រូវបានផ្ដល់ជូនដោយគេហទំព័រតែប៉ុណ្ណោះ។ ព័ត៌មាននេះអាចនឹងមានផ្ទុកដូចជានាមខ្លួន និងនាមត្រកូល អាសយដ្ឋានអ៊ីម៉ែល ថ្ងៃខែឆ្នាំកំណើត និងប្រទេសនៃទីលំនៅរបស់អ្នកប្រើប្រាស់។
ការផ្ទេរ ការរក្សាទុក និងការធ្វើប្រតិបត្តិការលើទិន្នន័យ
ការផ្ទេរ ការរក្សាទុក និងការធ្វើប្រតិបត្តិការលើទិន្នន័យដែលត្រូវបានប្រមូលតាមរយៈគេហទំព័រនេះត្រូវបានការពារដោយប្រើប្រាស់វិធានការបច្ចេកទេសធម្មតា ដែលត្រូវបានប្រើប្រាស់ក្នុងពេលបច្ចុប្បន្ន។ ABC អាចនឹងផ្ទេរទិន្នន័យផ្ទាល់ខ្លួនរបស់អ្នកទៅកាន់ក្រុមហ៊ុនមេ ឬ ក្រុមហ៊ុន ហ៊ិននីគែន (ខេមបូឌា) ឯ.ក ឬភាគីទីបីឲ្យបំពេញសេវាកម្មណាមួយដែលអ្នកស្នើសុំ ដែលភាគីទាំងនេះនឹងដំណើរការទិន្នន័យផ្ទាល់ខ្លួនរបស់អ្នកដោយយោងទៅតាមការណែនាំពី ABC និងក្រោមការទទួលខុសត្រូវរបស់ ABC។
ការចូលទៅប្រើប្រាស់ ការកែតម្រូវ និងការលុបចោល
អ្នកអាចស្នើសុំ ABC ឲ្យផ្ដល់ជូនការចូលទៅប្រើប្រាស់ទិន្នន័យផ្ទាល់ខ្លួនរបស់អ្នកដែល ABC បានប្រមូល បានគ្រប់ពេលវេលា។ អ្នកក៏អាចស្នើសុំ ABC ឲ្យកែតម្រូវ ឬលុបចោលនូវទិន្នន័យផ្ទាល់ខ្លួនទាំងនោះបានផងដែរ។ សូមផ្ញើអ៊ីម៉ែលទៅកាន់ ABC@heineken.com ក្នុងករណីដែលអ្នកមានសំណួរណាមួយពាក់ព័ន្ធនឹងទិន្នន័យផ្ទាល់ខ្លួនរបស់អ្នក។
គោលការណ៍ឯកជនភាព និង Cookie នេះអាចនឹងត្រូវបានកែប្រែតាមកាលៈទេសៈចាំបាច់។ ការកែប្រែទាំងនោះគឺត្រូវមានប្រសិទ្ធិភាពភ្លាមៗនៅពេលមានការបង្ហោះគោលការណ៍ឯកជនភាព និង Cookie ដែលត្រូវបានកែតម្រូវរួច។ អ្នកប្រើប្រាស់គេហទំព័រនេះត្រូវបានណែនាំឲ្យអានគោលការណ៍ឯកជនភាព និង Cookie ជាប្រចាំក្រែងមានការកែប្រែដែលអាចត្រូវបានធ្វើឡើង។
គោលការណ៍ប្រើប្រាស់ប្រព័ន្ធ Cookie
គេហទំព័រនេះ abcbeer.com.kh បង្កើតឡើងសម្រាប់ ABC (ហៅថា “គេហទំព័រ”)។ គេហទំព័រនេះប្រើប្រាស់ cookies ។ cookies គឺជាប្រភេទឯកសារជាអក្សរមានទំហំតូច ដែលគេហទំព័ររក្សាទុកនៅក្នុងឧបករណ៍ប្រើប្រាស់របស់អ្នក(User Device)។
ប្រព័ន្ធ Cookies ដែលត្រូវបានប្រើប្រាស់នៅលើគេហទំព័រនេះ
គេហទំព័រនេះប្រើប្រាស់ cookies ក្នុងគោលបំណងដូចខាងក្រោម៖ Cookies មានមុខងារ៖ Cookies ត្រូវបានប្រើប្រាស់ដើម្បីបង្កើនភាពងាយស្រួលក្នុងការប្រើប្រាស់របស់គេហទំព័រសម្រាប់អ្នកចូលមកកាន់គេហទំព័រនេះ។ ឧទាហរណ៍ cookie មួយត្រូវបានដាក់ចូលដើម្បីធ្វើឲ្យឧបករណ៍ព័ត៌មានភាគហ៊ុនដំណើរការកាន់តែមានប្រសិទ្ធិភាព។ ប្រសិនបើគ្មាន cookie នេះទេនោះ អ្នកនឹងមិនអាចចូលទៅកាន់តារាងតម្លៃភាគហ៊ុនបានទេ។ Cookies មុខងារនៃគេហទំព័រនេះដែលត្រូវបានរក្សាទុកដោយ ABC នៅលើកុំព្យូទ័ររបស់អ្នក ហើយមានសុពលភាពតែក្នុងអំឡុងពេលដែលអ្នកចូលក្នុងគេហទំព័រនេះតែប៉ុណ្ណោះ។
Cookies មានមុខងារវិភាគ (Analytics cookies)៖ ABC ប្រើប្រាស់ cookies មានមុខងារវិភាគរបស់ Google ក្នុងគោលបំណងវិភាគថាតើអ្នកចូលប្រើប្រាស់ធ្វើការប្រើប្រាស់គេហទំព័របែបណា។ បន្ទាប់មកគឺ ABC អាចធ្វើការពង្រឹងទៅលើភាពងាយស្រួលប្រើប្រាស់នៃគេហទំព័របាន។ Google គ្រាន់តែដំណើរការទិន្នន័យដែលទទួលបានតាមរយៈគេហទំព័រក្នុងទម្រង់អនាមិកតែប៉ុណ្ណោះ។ សូមចូលទៅកាន់ www.google.com/analytics សម្រាប់ព័ត៌មានបន្ថែមស្ដីពីមុខងារវិភាគរបស់ Google (Google Analytics) ។
Cookies ប្រើប្រាស់ជាមួយភាគីទីបី (Third party cookies)៖ គេហទំព័រនេះអនុញ្ញាតឲ្យមាន cookies នៃការភ្ជាប់ទៅកាន់បណ្ដាញសង្គម (social plugins) របស់ភាគីទីបីជាច្រើន។ មុខងារនេះអាចឲ្យអ្នកប្រើប្រាស់អាចធ្វើការចែករំលែកខ្លឹមសារនៃគេហទំព័រនេះនៅលើបណ្ដាញសង្គមជាក់លាក់នាៗ។ មុខងារ plugins ទាំងនេះក៏បង្កើនភាពងាយស្រួលប្រើប្រាស់នៃគេហទំព័រផងដែរ។ ឧទាហរណ៍៖ ដោយមាន Facebook plugin នៅលើគេហទំព័រ អ្នកប្រើប្រាស់អាចចុះឈ្មោះនៅលើគេហទំព័រនេះជាមួយនឹងព័ត៌មានលម្អិតគណនីហ្វេសប៊ុករបស់ពួកគេបាន។ (ការប្រើប្រាស់) ទិន្នន័យដែលត្រូវបានប្រមូលដោយភាគីទីបីទាំងនេះតាមរយៈ social plugins គឺត្រូវបានកំណត់ដោយភាគីទីបីនោះទាំងស្រុង ព្រោះ ABC មិនអាចអាន cookies ទាំងនេះបានទេ (ហើយភាគីទីបីទាំងនេះក៏មិនអាចអាន cookies របស់ ABC បានដែរ)។ សម្រាប់ព័ត៌មានពាក់ព័ន្ធនឹង Cookies ប្រើប្រាស់ជាមួយភាគីទីបី (third party cookies) សូមអានគោលការណ៍របស់ភាគីទីបីនីមួយៗ។
ការកែប្រែការកំណត់របស់អ្នក
ដោយធ្វើការកែប្រែការកំណត់នៅក្នុង web browser របស់អ្នក គឺអ្នកអាចប្រាកដបានថាអ្នកនឹងទទួលបានការជូនដំណឹងថាតើមាន cookie ត្រូវបានរក្សាទុកនៅក្នុងកុំព្យូទ័ររបស់អ្នកដែរឬទេ។ ដោយធ្វើការកែប្រែការកំណត់របស់អ្នក អ្នកអាចប្រាកដបានថា browser របស់អ្នកមិនទទួល cookies ពីគេហទំព័រនេះនោះទេ។ ប៉ុន្តែ ប្រសិនបើ browser របស់អ្នកមិនទទួល cookies ពីគេហទំព័រនេះទេ នោះអ្នកអាចនឹងមិនអាចចូលទៅប្រើប្រាស់ ឬប្រើប្រាស់បានមុខងារពិសេសទាំងអស់នៃគេហទំព័រនេះនោះទេ។
ទំនាក់ទំនង៖
សូមផ្ញើអ៊ីម៉ែលទៅកាន់ ABC@heineken.com ក្នុងករណីដែលអ្នកមានសំណួរណាមួយពាក់ព័ន្ធនឹងចំណុចណាមួយអំពីការប្រើប្រាស់ cookies នៅលើគេហទំព័រនេះ។